Rusiya “Volkswagen”i cəzalandırıb – 16,9 milyardlıq təzminat

Rusiya məhkəməsi Almaniyanın məşhur “Volkswagen” şirkətinə qarşı məhkəmə qərarı çıxarıb. Mia.az Rusiya mediasına istinadla xəbər verir ki, Nijni Novqorod şəhər məhkəməsi QAZ şirkətinin iddiası əsasında “Volkswagen” şirkətinə 16,9 milyard rubl (təxminən 193 milyon dollar) təzminat cəzası kəsib.

İddiada qeyd edilib ki, “Volkswagen” “QAZ”la anlaşmanı pozmaqla ikincini böyük zərərlə üzləşdirib: “”QAZ” “Volkswagen”i müqaviləyə əsasən istehsal və hissələrlə bağlı öhdəliklərini yerinə yetirməməkdə, həmçinin müqavilələrə birtərəfli qaydada xitam verməkdə ittiham edib…”.

Catırladaq ki, “Volkswagen” Ukrayna savaşı başlayandan bir il sonra, daha dəqiqi, 2023-cü ilin may ayında Rusiyadakı aktivlərini bir Rus şirkətinə sataraq ölkəni tərk edib.

Rusiyanın ticarət naziri Anton Əlixanov isə bildirib ki, “Volkswagen”in Kaluqadakı köhnə fabrikində kütləvi avtomobil istehsalına başlanıb.

Short URL: http://www.cumhuriyyet.net/?p=202678