Demokratlar gizli görüş keçirib: Mövzu yenə Baydendir…
ABŞ Konqresinin Nümayəndələr Palatasının demokrat üzvləri gizli görüş keçiriblər. “AzPolitika” xəbər verir ki, bu barədə ABŞ mətbuatı məlumat yayıb. Məlumata görə, qapalı görüşdə ABŞ prezidenti Co Baydenin səhhətinə görə seçki yarışından çəkilib-çəkilməməsi məsələsi müzakirə edilib. Qeyd olunur ki, məlumat sızmasının qarşısını almaq üçün cib telefonlarına icazə verilməyən toplantıya qatılan üzvlər görüşün məzmunu ilə bağlı mətbuata ətraflı açıqlama verməmək barədə razılığa gəliblər.
Daha əvvəl Baydenin namizədliyini geri götürməli olduğunu bildirən Nyu Cersi Nümayəndələr Palatasının üzvü Cerri Nadler görüşdən sonra qısa açıqlama verərək Baydenin namizədliyini dəstəklədiyini bildirib. “Mən Baydeni dəstəkləyəcək və seçki kampaniyasında onun üçün çalışacağam. Baydenin qalib gəlməsi çox vacibdir” – deyə, o, qeyd edib.
Bəzi demokratlar isə Baydenin yaşının seçkilərə qədər müzakirə ediləcəyindən narahat olduqlarını bildiriblər.
Tennessi Nümayəndələr Palatasının üzvü Steven Cohen gizli görüşdən sonra jurnalistin: “Demokratların Baydenən razı olub-olmaması” ilə bağlı sualına “Razı deyilik” şəkində cavab verib.
İndiana Nümayəndələr Palatasının üzvü Mayk Quiqley də partiyasının namizədi Baydenə açıq etirazını ifadə edərək, “Qalib gələ bilməyəcəyi üçün geri çəkilməlidir”,- deyə bildirib.
Short URL: http://www.cumhuriyyet.net/?p=202708
