Avropada dünyanın ən kiçik dövləti yarandı
Çexiya Respublikasından Vit Yedliçka adlı bir vətəndaş Xorvatiya ilə Serbiya arasındakı yeddi kvadrat kilometrlik “neytral zonada” Liberland adında dövlət qurduğunu elan edib. Xorvatiyanın Zmeyavets şəhəri ilə Serbiyanın Başki Monoştor şəhərləri arasında, Dunay çayının qərb sahilində yerləşən sahənin nə Serbiyaya, nə də Xorvatiyaya aid olduğunu bildirən Yedliçka, 7 kvadrat kilometrlik sahənin “tərəfsiz bölgə” olduğunu iddia edib.
“Liberland.org” internet saytında yeni qurduğu dövlətin vətəndaşlığına keçmək istəyənlərin müraciətlərini qəbul edən Yedliçka, sayt vasitəsilə Liberland haqqında ziyarətçilərə məlumat verir. Saytda yer alan məlumatlara görə, tam adı Azad Liberland Respublikası olan dövlətin bayrağı və gerbi də var. Vit Yedliçkanın dövlət başçısı olduğu dövlətin, rəsmi dili isə çex dilidir.
Saytda həmçinin elan edilən yeni dövlətin şüarının “Yaşa və başqalarının yaşamasına icazə ver” olduğu bildirilərkən, yeni dövlətin sərhədləri daxilində ədalətli insanlardan ibarət bir cəmiyyət qurmaq istənildiyi qeyd edilir.
Liberland adlı dövlətin Monako, Honq-Konq və Lixtenşteyn kimi ölkələrdən ilham alınaraq yarandığı ifadə edilərkən, vətəndaşlıq üçün müraciət edəcək şəxslərin müraciətlərin qəbul edildiyi bildirilib. Saytda aprelin 13-də qurulduğu bildirilən Liberland dövlətində neçə nəfərin yaşadığı haqqında məlumat verilmir.(modern.az)
Short URL: http://www.cumhuriyyet.net/?p=22707
