Yeni enerji ittifaqı: PKK İŞİD-lə birləşdi
“Əsəd, PKK və İŞİD Suriyada enerji ittifaqı qurub”.
Axar.az xəbər verir ki, bu iddia ilə Türkiyə mətbuatı çıxış edib.
Mətbuatın məlumatına görə, PKK-nın əlinə keçən Tel Abyad şəhərindən Əsədlə PKK-nın ümumi nəzarətində olan Haseke şəhərinə neftlə dolu tankerlər gətirilib:
“Suriyadakı neft yataqlarının 40%-i məhz Haseke ərazisindədir. Əsəd rejimi və PKK buradakı neftin yarısını əllərində saxlayırlar. Bu şəhərə həm də Livan Hizbullahına aid milislər nəzarət edir. Əsədlə Suriyanın şimalındakı kürdlərin silahlı qanadı YPG arasında atəşkəs müqaviləsi imzalanıb. Əsəd, PYD (PKK-nın Suriya qolu) və İŞİD arasında razılıq da məhz bu şəhərdə qəbul edilib. Razılığa əsasən, Türkiyə sərhədi YPG-yə təslim edilməlidir”.
Qeyd edək ki, hazırda Suriyadakı neft yataqlarının 80%-i İŞİD-in nəzarətindədir. Əsəd rejimi ölkədə neftin 8%-inə, PYD isə 12%-nə nəzarət edir.
Short URL: http://www.cumhuriyyet.net/?p=26914
