ABŞ-ı sarsıdan qətliam
ABŞ-ın Oklahoma əyalətinin Broker Arrov şəhərində bir evdə eyni ailədən 5 nəfər bıçaqlanmış halda ölü tapılıb. Avropa.info xəbər verir ki, cinayət araşdırmasına başlayan hüquq mühafizə orqanları hücuma məruz qalan ailəylə qohumluğu çatan 16 və 18 yaşlarında iki gənci nəzarətə götürüb.
Polis kimlikləri hələ açıqlanmayan cinayət qurbanları arasında uşaqların da olduğunu açıqlayıb. Federal İstintaq Bürosunun (FBI) da araşdırmaya dəstək verdiyini ifadə edən polis zabiti Cooper deyib ki, təhlükəsizlik qüvvələri hadisə yerinə gəldiyi zaman, nəzarətə alınan iki şübhəli arxa qapıdan qaçıb.
Cooper, “nisbətən təhlükəsiz” yer kimi qiymətləndirdiyi 103 min əhallisi olan Broken Arrovda belə bir hadisənin əvvəllər baş vermədiyini vurğulayıb. Qonşular isə hadisənin baş verdiyi evdə iki valideynin 5 övladı ilə birlikdə yaşadığını və uşaqların evdə təhsil gördüyünü söyləyib.
Short URL: http://www.cumhuriyyet.net/?p=28751
