Nostradamus İŞİD-in yaranacağını görübmüş
16-cı əsrdə yaşamış məşhur fransız öncəgörən Mişel Nostradamus İŞİD-in meydana çıxacağını qabaqcadan görüb.
“Nostradamus 2242” saytının təhlilçiləri Nostradamusun “İraq və Şam İslam Dövləti”nin Yaxın Şərqdə güclənəcəyini gördüyünü iddia ediblər.
Onların mülahizələrinə görə, astroloqun şifrəli sözləri məhz İŞİD-ə işarədir:
“Mesapatomiyada alçaq bir tiran var. O öz məkrli planı üçün bu ərazilərə girəcək. Bütün dostlar zina edən o qadınla əlaqədə olacaq. Qorxunc və zilqaranlıq görünən bir torpaq”.
Bu ifadələrin daha əvvəl ABŞ-ın İraqı işğal etdiyi zaman Üsəma bin Laden və Səddam Hüseynlə əlaqəli olduğunu iddia ediblər.
İndi isə İŞİD-in İraq və Suriyada (Mesapatomiya) torpaqları zəbt etməsi, bayrağının qara olması və şəriət hökmranlığını hədəfləməsi bu ifadələrin terror təşkilatına şamil edildiyi barədə mühakimələri ortaya çıxarıb. Nostradamusun 3-cü Dünya müharibəsini məhz İŞİD-in törətdiyi cinayətlərdə gördüyü qeyd olunur.
Həkim-astroloq əsrlər əvvəl Hitlerin iqtidara gəlişini, 2-ci Dünya müharibəsini, Fransa inqilabını, ABŞ Prezidenti Con Kennediyə sui-qəsdi xəbər verib. (axar.az)
Short URL: http://www.cumhuriyyet.net/?p=29965