Beynəlxalq məhkəmənin qərarı: “Rusiya təzminat ödəməlidir”
Beynəlxalq Daimi Təhkim Məhkəməsi Rusiyanı Hollandiyaya təzminat ödəməyə məhkum edib.
Strateq.az-ın bildirdiyinə görə, məhkəmə bu qərarı Rusiyanın Hollandiyaya aid “Arctic Sunrise” gəmisini müsadirə etdiyi üçün verib. Hakimlərin fikrincə, Rusiya bu addımı atarkən beynəlxalq hüquq normalarını pozub. Ödənəcək təzminatın miqdarı isə hələ müəyyənləşdirlməyib. Qərardan məmnun olduğunu bildirən Hollandiyanın Xarici İşlər naziri Bert Koenders hökmün məcburi xarakter daşıdığını deyib.
Xatırladaq ki, 2013-cü ildə Rusiya sahil təhlükəsizlik qüvvələri Şimal dənizində etiraz aksiyası keçirən 30-a qədər “Greenpeace” üzvünü gəmiləriylə bərabər həbs etmişdi. Həbsə məruz qalan etirazçılar 18 ölkənin vətəndaşları idi və onlar Rusiyanın Şimal dənizində neft çıxarmaq istəyinə qarşı çıxırdılar. Beynəlxalq hakimlər etirazçıların protest haqqının qanunlara zidd olmadığı görüşündədir.
Short URL: http://www.cumhuriyyet.net/?p=30335