Avstraliya da İŞİD-i bombalayacaq – Koalisiyaya qoşuldu
09.09.2015 - 12:55
Avstraliya İŞİD əleyhinə beynəlxalq koalisiyaya qoşulmaq barədə qərar verib. Bundan sonra İŞİD-in Suriyadakı mövqelərini bu ölkənin də hərbi təyyarələri bombalayacaq.
Strateq.az xarici mətbuata istinadən xəbər verir ki, bu barədə ölkənin baş naziri Toni Abbott məlumat verib.
Onun sözlərinə görə, hökumət ABŞ-ın hərbi əməliyyatlara qoşulmaqla bağlı təklifinə müsbət cavab verib.
Avstraliyanın Birləşmiş Ərəb Əmirliyində olan hərbi təyyarələri bu vaxta qədər yalnız İŞİD-in İraq ərazisindəki mövqelərinə hava zərbələri endirmişdi.
Avstraliya hökuməti 12 min suriyalı qaçqını qəbul etməyə və miqrasiya probleminin həlli üçün 40 milyon dollar ayırmağa hazır olduğunu da bəyan edib.
Short URL: http://www.cumhuriyyet.net/?p=31662
