Kadırov Məhəmməd peyğəmbərin saçını Moskvaya göndərdi
Oktyabrın 6-da axşam saatlarında Moskvaya Məhəmməd peyğəmbərin saçı çatdırılacaq.
Oxu.az TASS-a istinadən bildirir ki, müsəlman təbərrükünü məscidə Çeçenistanın rəhbəri Ramzan Kadırov bağışlayıb.
“Təbərrük Moskva məscidinə bu axşam saat 18.00-da gətiriləcək və arzu edənlər ona gecəyə qədər toxuna biləcəklər”, – deyə Rusiyanın Müsəlmanlar İdarəsindən bildiriblər.
Təbərrük məsciddə zirehli vitrində sərgilənəcək, o insanlara dini bayramlar zamanı göstəriləcək. Qalan vaxtlarda isə saç “xüsusi mühafizə edilmiş yerdə saxlanılacaq”.
Qeyd edilir ki, Rusiyada peyğəmbərin üç saçı var. Əfsanəyə görə, əsl təbərrük kölgə salmır və ətir saçır.
Kadırov Moskva məscidinə hədiyyə kimi Məhəmməd peyğəmbərin saçını verəcəyini əvvəlcədən bildirilmişdi. Respublika rəhbəri saçı Moskvaya rəsmən aparmağa hazırlaşırdı.
Short URL: http://www.cumhuriyyet.net/?p=34026
