“Putinə bir də zəng etməyimin mənası yoxdur”

Türkiyənin hava məkanının pozulması NATO-nun hava məkanının pozulmasıdır. Rusiyanın bu  hadisə ilə bağlı açıqlaması mənə inandırıcı gəlmədi.

Axar.az xəbər verir ki, bunu jurnalistlərə Türkiyə Prezidenti Rəcəb Tayyib Ərdoğan deyib. O, Rusiyanın Suriyada başlatdığı hava əməliyyatlarının əsil məqsədini açıqlayıb:

“Rusiya Suriyada İŞİD-i vurmur. Rusiyanın əsil dərdi Latakiyada hərbi baza qurmaqdır. Suriyada hərbi varlıqlarını gücləndirmək istəyirlər. Brüsseldə NATO-nun toplantısından sonra başda ABŞ olmaqla, bütün ölkələr fərqli mövqe ortaya qoymalıdırlar. Türkiyənin hava məkanının pozulması NATO-nun hava məkanının pozulmasıdır. Rusiyanın bu hadisə ilə bağlı açıqlaması mənə inandırıcı gəlmədi. Rusiyanın Suriyada hava əməliyyatlarına başlamasından sonra Vladimir Putinlə telefon söhbətimiz oldu. Bundan dərhal sonra isə hava məkanımız pozuldu. Bu situasiyada mənim yenidən Putinə zəng etməyimin mənası yoxdur. Lakin inanmıram ki, baş verən son hadisələr iki ölkə arasında birbaşa qarşıdurmaya çevrilsin”.

Qeyd edək ki, sentyabrın 5-də Rusiya qırıcıları Suriya sərhədində Türkiyənin hava məkanını bir neçə dəfə pozub.

Short URL: http://www.cumhuriyyet.net/?p=34288