Rusiya “Boeing-737”-nin istismarını qadağan edir?

06.11.2015 - 13:46

boingDünyada ən çox yayılan “Boeing-737” laynerinin Rusiyada istismarı qadağan oluna bilər.

APA-nın lenta.ru xəbər portalına istinadən verdiyi xəbərə görə, belə bir qənaətə HAK-ın Aviasiya Registrinin sədri Vladimir Bespalovun “Rosaviasiya”nın sədri Aleksandr Neradkoya və ABŞ-ın Federal Aviasiya Administrasiyasının (FAA) direktorunun müavini Marqaret Qilliqana göndərdiyi məktubdan gəlmək olar.

Məktubda qeyd edilib ki, Rusiya aviaşirkətlərinin parkında olan “Boeing-737” təyyarələrinin istismarına icazə verən sertifikat müvəqqəti olaraq qüvvədən düşür. Hələlik istismara yararsız kimi iki modifikasiya hesab olunur – “Classic” və “Next Generation”.

Sənəddə qeyd edilib ki, belə bir addımın atılmasına səbəb laynerin hündürlük sükanın sistemində mövcud olan problemlərdir. Bildirilir ki, Rusiya tərəfi 1 ilə yaxın bununla bağlı ABŞ tərəfi ilə yazışmalar aparıb. “ABŞ tərəfinin açıqlamasında təhlükəsizlik məsələləri ilə bağlı qəti cavab yoxdur”, – deyə V. Bespalovun məktubunda yazılıb.

Məsələ ilə bağlı “Rosaviasiya” aviaşirkətlərin və HAK-ın nümayəndələrinin iştirakı ilə təcili toplantı keçirib.

Qeyd edək ki, Rusiyada sərnişindaşımanın 1/5-i “Boeing-737” tipli sərnişin təyyarələrinin payına düşür.

“İnterfax” agentliyi isə HAK-dakı mənbəyinə istinadən yazır ki, bu qərar Rusiyada istismar olunan bütün növ “Boeing-737”-lərə aid olunacaq.

Short URL: http://www.cumhuriyyet.net/?p=38026

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728