Tehranın İrəvan savaşı: Kremldən sərt reaksiya…

12.11.2015 - 10:11

iranİran son zamanlar özünü xüsusilə Ermənistanla münasibətlərdə daha aydın göstərir.

Bu sözləri Axar.az-a açıqlamasında politoloq Qabil Hüseynli deyib. Sabiq dövlət müşaviri Tehranın çox riskli oyunlar oynadğını bildirib:

“Ermənistan var qüvvəsi ilə çalışır ki, İran qazı bu ölkənin ərazisindən keçməklə Gürcüstana, ola bilsin, oradan da başqa ölkələrə getsin. Üstəlik, İranla Ermənistan arasında çox ciddi ticarət əlaqələri var və bu əlaqələr hazırda genişlənməkdədir. Tehran hətta İrəvana xam neft göndərilməsi və onun emalı ilə bağlı tədbirlər görməyə hazırlaşır. İranın hazırda üzərində işlədiyi çox mühüm planları var. Buraya təbii ki, Ermənistan vasitəsilə Gürcüstanı təsir altına almaq da daxildir. Moskva hələ ki, prosesləri cilovlaya bilir. Lavrovun İrəvana səfərində gündəlikdə duran məsələrdən biri də İran qazının Ermənistana göndərilməsinin qarşısının alınması idi”.

Politolqun sözlərinə görə, planın ikinci hissəsində Azərbaycanla münasibətlərdə daha çox dini amillərin qızışdırılması yer alır:

“Son zamanlar bunun müəyyən təzahürləri özünü büruzə verir. Bəzi islam təşkilatları iğtişaşlar törətməyə belə cəhd göstərdilər. Hətta ayətullardan biri islam təşkilatının nümayəndəsini Tehranda qəbul etdi. Düzdür, Tehranla Bakı arasında da ticarət əlaqələri var, ancaq İran Azərbaycanda dini baxışların yayılmasında israrlıdır. Bu isə çox təhlükəli bir tendensiyadır. Tehran çox riskli oyunlar oynamaqda davam edir”.

Q. Hüseynli bidirib ki, İran üzərindən sanksiyaların qalxması fonunda Cənubi Qafqaz uğrunda rəqabət kəskinləşəcək:

“İran heç vaxt Rusiyanı üstələyə bilməyəcək. Bu rəqabət fonunda, əksinə, Rusiyanın təsiri güclənəcək və Rusiya meyilli qüvvələrin sayı artacaq. Üstəlik, ola bilsin, Rusiyanın Cənubi Qafqazda baza xarakterli yeni istinad nöqtələri də yaransın”.

Short URL: http://www.cumhuriyyet.net/?p=38769

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728