25 yaşlı azərbaycanlı Vilnüsü Parisə çevirməklə hədələdi
Litvanın Kaunas şəhərinin sakini olan 21 yaşlı qız noyabrın 16-da saat 23 radələrində yerli polisə müraciət edərək sensasion məlumat verib.
Virtualaz.org saytı “Delfi” agentliyinə istinadən xəbər verir ki, həmin qız polisə müraciətində 25 yaşlı Azərbaycan vətəndaşının onu hədələməsindən şikayətlənib.
Qızın sözlərinə görə, Azərbaycan vətəndaşı olan həmin gənc noyabrın 16-da saat 15:40 radələrində Barşausko küçəsindəki ticarət mərkəzində ona deyib ki, “tezliklə Litvada da Fransadakı kimi olacaq”. Adı açıqlanmayan qız əlavə edib ki, həmin gənc daha sonra bıçaq çıxararaq onu öldürməklə hədələyib.
Bu məlumatdan sonra yerli polis Azərbaycan vətəndaşını saxlayıb. Adı açıqlanmayan Azərbaycan vətəndaşı barədə ölümlə təhdid maddəsi üzrə araşdırma başlayıb. Onun radikal dini qruplaşmaya mənsub olduğu təxmin edilir.
Short URL: http://www.cumhuriyyet.net/?p=39647