Putin: “Ərdoğan ölkəsini islamlaşdırır”

Rusiya prezidenti Vladimir Putin Suriya ilə sərhəddə Su-24 bombardmançısının vurulmasına görə Türkiyə rəhbərliyinin ünvanına növbəti sərt ifadələrlə çıxış edib.

Virtualaz.org saytı TASS-a istinadən xəbər verir ki, jurnalistlər qarşısında çıxış edən Putin Türkiyənin indiki rəhbərliyini “məqsədyönlü şəkildə ölkəsini islamlaşdırmaqda” günahlandırıb.

Rusiya prezidenti əlavə edib ki, söhbət radikal islamçı təmayüldən gedir.

“Problem bizim dünən qarşılaşdığımız faciədən getmir, problem daha dərindir. Biz müşahidə edirik ki,-və təkcə biz deyil, sizi əmin edirəm ki, bunu bütün dünyada görürlər,-Türkiyənin bugünkü rəhbərliyi illərdir öz ölkəsində islamlaşmanın dəstəklənməsinə yönələn məqsədyönlü siyasət aparır”- Putin deyib.

Putin əlavə edib ki, İslam böyük dünya dinidir, o cümlədən Rusiyada ənənəvi dinlərdən biridir: “Biz özümüz İslamı dəstəkləyirik və bunu edəcəyik, ancaq söhbət daha radikal dini təmayüldən gedir. Və bu da öz-özlüyündə ilk baxışdan görünməyən olduqca qeyri-münasib vəziyyət, atmosfer yaradır.

Rusiya prezidenti daha sonra Rusiya vətəndaşlarını Türkiyəyə səfərlərdən çəkinməyə çağırıb. Onun sözlərinə görə, təyyarənin vurulmasından, pilotun həlak olmasından sonra bu, məcburi addımdır. “Və Rusiya XİN düz edib vətəndaşları bu təhlükə barədə xəbərdar edir”- deyə Putin bildirib.

Short URL: http://www.cumhuriyyet.net/?p=41069