Rusiya təyyarələri Türkiyə sərhədini vurdu – 5 ölü, 10 yaralı
27.11.2015 - 14:28
Türkiyə-Suriya sərhədində növbəti insident yaşanıb.
Strateq.az Türkiyə mətbuatına istinadən xəbər verir ki, Rusiya təyyarələri Türkiyənin Suriya ilə sərhəddə yerləşən Reyhanlı ərazisinə yaxın Maarat əl Numan qəsəbəsinə iki raket zərbəsi endiriblər.
Suriyanın İdlib şəhərinə bağlı olan, lakin Türkiyə ilə sərhədin bir addımlığında olan qəsəbənin vurulmasının məlum təyyarə insidenti ilə bağlı Ankaraya cavab olması istisna edilmir.
Raketlər yaşayış məntəqəsinə düşdüyündən bir neçə binada çökmə olub, insanlar dağıntılar altında qalıblar.
İlkin məlumatlara görə, 5 nəfər ölüb, 10 nəfər yaralanıb. Yerli əhali dağıntılar altında qalan insanları xilas etmək üçün səfərbər olunub.
Short URL: http://www.cumhuriyyet.net/?p=41556
