Rusiyadan Türkiyəyə ŞOK ZƏRBƏ: PKK-ya bu silahlar ötürüldü – FOTOLAR
Ötən həftə rus hərbi təyyarəsinin Türkiyə tərəfindən vurulması Rusiyanın rəsmi Ankaraya qarşı olan siyasətini daha da sərtləşdirib.
Publika.az-ın xarici mediaya istinadən verdiyi məlumata görə, Rusiya vurulan təyyarəsinə cavab olaraq PKK terror təşkilatına silah ötürməyə başlayıb.
Türkiyənin aparıcı media orqanlarının yaydığı xəbərlərə görə, Rusiya Federasiyasının PKK-ya külli miqdarda silah-sursat və digər hərbi ləvazimatlar ötürməsi faktı aşkarlanıb.
PKK-nın Rusiyadan aldığı silahlar arasında “Strela-2”, “RPG”, 60 millimetrlik minomyot və bu silahlara aid olan hərbi ləvazimatlar, uzaqdan idarə edilən minalar, gecə görmə cihazları, “Kalaşnikov” avtomatı var.
İranın hökumətə yaxın “Cevan” qəzeti isə sözügedən silahların Tendürek-Mako quru yolu ilə PKK-ya çatdırılması barədə sensasion xəbər yayıb.
Qəzetin xəbərinə görə, Şərur Mahir adlı PKK üzvü mütəmadi olaraq Rusiyaya gedib, oradan da silah və digər hərbi ləvazimatları təhvil alaraq təşkilata çatdırır.
Short URL: http://www.cumhuriyyet.net/?p=42118
