Britaniya Suriyada müharibəyə qoşuldu
03.12.2015 - 11:43
Böyük Britaniya Suriyada “İslam dövləti” (İŞİD) terror qruplaşmasına qarşı hava əməliyyatlarına başlayır.
Publika.az BBC-yə istinadən xəbər verir ki, parlamentin 397 üzvü qərarı dəstəkləyib, 223 üzvü isə bombardmanlara qarşı çıxıb.
Suriya ərazisində anti-terror əməliyyatlarında iştirak təklifi ilə baş nazir Devid Kameron çıxış etmişdi. Böyük Britaniya artıq bir ildən çoxdur ki, İraqda İŞİD-in mövqelərinin bombalanmasında iştirak edir.
Son məlumatlara görə, İngiltərə Kral Hava Qüvvələrinə bağlı təyyarələr Suriyada İŞİD-in mövqelərini vurmağa başlayıb.
İngiltərə Müdafiə Nazirliyindən verilən məlumata görə, ölkənin Cənub Kiprdəki hava bazasından qalxan 4 “Tornado” Suriyada İŞİD mövqelərini bombalayıb.
Short URL: http://www.cumhuriyyet.net/?p=42677
