İŞİD-ə qoşulmaq istəyən ana və qızları sərhəddə saxlanıldı

Suriya-Türkiyə sərhədində İŞİD-ə qoşulmaq üçün Suriyaya gedən qırğızıstanlı ailə saxlanılıb.

Publika.az xəbər verir ki, bu barədə “İnterfax” məlumat yayıb.

Qırğızıstan hüquq-mühafizə orqanlarının məlumatına görə, 5 nəfərdən ibarət ailə – 55 yaşlı qadın 23, 22 və 20 yaşlarında 3 qızı və 4 yaşlı nəvəsini götürərək Suriyaya gedib. Onları Türkiyə sərhədçilərinin səyi nəticəsində saxlamaq mümkün olub.

Qadınlar əvvəlcə Moskvadan saxta sənədlə Türkiyəyə gediblər. Niyyətləri isə Türkiyədən Suriyaya keçmək olub. Lakin bu alınmayıb və onlar Bişkekə qayıdaraq Qazaxıstandan Türkiyəyə keçiblər.

Məlumata görə, onlar Suriyada olan ailə başçısının yanına gedirlərmiş. Suriyada döyüşən ata isə öz oğlunun ölümündən sonra İŞİD üzvlərinə qoşulub.

Short URL: http://www.cumhuriyyet.net/?p=43152