Türkiyə Kızıldağda Əsədin qüvvələrini vurdu
02.02.2016 - 10:04
Türkiyə Silahlı Qüvvələrinə aid topçu batareyaları Suriyanın Kızıldağ bölgəsindəki rejim qüvvələrinin mövqelərini vurub.
Publika.az Türkiyə mediasına istinadən xəbər verir ki, hücumda ən azı 5 Suriya əsgəri yaralanıb.
Dünən səhər saatlarında müxalifət qüvvələrinin başladığı hücum nəticəsində Kızıldağın ətəklərinə qədər geri çəkilən Əsəd rejiminin atdığı tank və top mərmilərinin bir hissəsi Türkiyənin Hatay vilayətinin Yayladağı mahalının sərhəd xəttinə düşüb. Türkiyənin Kızıldağa endirdiyi zərbələrin də rejim qüvvələrinə cavab olduğu bildirilir.
Short URL: http://www.cumhuriyyet.net/?p=52470
