Rusiyadan Türkiyəni erməni terrorçuları ilə hədələdilər
Rusiya Liberal Demokrat Partiyasının (LDPR) lideri Vladimir Jirinovski Türkiyəni böyük terror dalğası ilə hədələyib. ANS PRESS-in məlumatına görə, “Rossiya 1” telekanalının “Poyedinok” (Qarşıdurma) verilişində çıxış edən Vladimir Jirinovski Türkiyə ordusunun Suriyaya girəcəyi təqdirdə Rusiyanın atacağı addımlardan danışıb. Onun sözlərinə görə, Türkiyə şəhərlərinə kürd və erməni terrorçularının dəstəyi ilə terror hücumları ediləcək:
“Həmin andan bütün Türkiyədə terror hücumları başlayacaq. Hökumət binaları yanacaq, hərbi düşərgələr havaya uçacaq”.
Rusiyalı siyasətçi dünən Ankarada baş vermiş partlayışı məşq adlandırıb: “Dünən məşq idi, sabah bütün Türkiyə yanacaq”,- deyə Vladimir Jirinovski fevralın 17-si axşam saatlarında Ankarada baş vermiş qanlı terror aktından danışıb.
Short URL: http://www.cumhuriyyet.net/?p=54669