Putin neft hasilatının dondurulması ilə bağlı tapşırıq verdi
Rusiya prezidenti Vladimir Putin neft hasilatı ilə məşğul olan iri ölkələrlə danışıqları davam etdirməyi tapşırıb.
Virtualaz.org ” RİA “Novosti”-yə istinadən bildirir ki, bu barədə Rusiya prezidentinin mətbuat katibi Dmitri Peskov məlumat verib.
“Təbii ki, neft hasilatı ilə məşğul olan digər iri ölkələrlə bu istiqamətdə danışıqları davam etdirmək lazımdır. Çünki onların bununla bağlı sərgilədiyi konkret mövqeləri bizə aydın deyil”, – deyə D. Peskov V.Putinin ölkənin aparıcı neft şirkətlərinin rəhbərləri ilə görüşündə qaldırılan məsələlər və dövlət başçısının neft hasilatının 2016-cı ilin yanvar ayı səviyyəsində saxlanması barədə mövqeyi ilə əlaqədar sualı şərh edərkən bildirib.
Short URL: http://www.cumhuriyyet.net/?p=56245