Sizi fotolarınızdan izləyəcəklər – Texnoyenilik

Əgər siz izlənməkdən qorxursunuzsa, o zaman bu xəbər sizi o qədər də sevindirməyə bilər.

Belə ki Google şirkəti yeni “PlaNet” adlı neyron şəbəkə hazırlamaqdadır. Bu şəbəkə fotonuzun hansı materik, ölkə, hətta hansı küçədə çəkildiyini müəyyənləşdirə biləcək.

Ölkə.az-ın məlumatına görə, sınaq dövründə olan proqram hələ ki, köməkçi olaraq geoetiklərdən istifadə edir, lakin buna baxmayaraq, yaxın zamanlarda heç bir köməksiz istənilən fotonun yerini müəyyən edə biləcək.

Sevindirici xəbərlərdən biri isə “PlaNet” sisteminin kompüterdə cəmi 377 meqabayt yer tutmasıdır. Bu özəlliyi onun gələcəkdə telefonda da istifadəsinə şərait yarada bilər. Sınaqlar zamanı onun effektivliyini yoxlamaq üçün “Geoguessr” adlı oyun da tətbiq edilir. Beləki oyun zamanı istifadəçilərə “Google Street View” servisindən fotolar göstərilir və onlar bu fotoların çəkilə biləcəyi yerləri təxmin edirlər. Bu oyunda “PlaNet” sistemi dünyanın ən yaxşı səyahətçiləri ilə belə mübarizə aparmasına rəğmən 50 raundun 28-dən qalib çıxıb.

Short URL: http://www.cumhuriyyet.net/?p=56264