Ukrayna prezidenti özünün qənnadı fabrikini satır

Ukrayna prezidenti Pyotr Poroşenko qəti şəkildə istehsalatdan üzülüşmək qərarına gəlib. Musavat.com-un məlumatına görə, belə ki, Ukrayna lideri özünün Lipetskdəki “Roshen” korporasiyasını satacaq. Prezident Administrasiyasının rəhbəri Boris Lojkinin sözlərinə görə, bu məsələ artıq həll olunub.
“O, çox aktiv şəkildə peşəkar vasitəçilərin köməyi ilə fabrikin alıcılarını axtarır” – qeyd edib Lojkin. Fabrikdən qurtulmaq – Poroşenkonun seçkiöncəsi vədlərindəndir. Ukrayna qanunlarına görə, prezidentin biznesi ola bilməz. Bununla belə, Ukraynada daha 4 “Roshen” qənnadı fabriki qalır – ikisi Vinnitsada, biri Kiyevdə, biri də Kremençuqda.
Ukrayna prezidentinin korporasiyası həmçinin, Litva və Macarıstanda müəssisələrə sahibdir.

Short URL: http://www.cumhuriyyet.net/?p=58347