16 yaşlı qız İŞİD terrorçularını maliyyələşdirməkdə günahlandırılır
23.03.2016 - 19:54
Avstraliya vətəndaşı olan 16 yaşlı şagird İŞİD-ə pul göndərməkdə günahlandırılır. “Qafqazinfo” xəbər verir ki, gənc qız “terror maliyyələşdiricisi” damğası ilə 25 ilə qədər həbs edilə bilər.
Yerli mətbuata adı hələ ki, açıqlanmayan qızın Suriyadakı İŞİD-ə “Western Union” vasitəsilə minlərcə dollar göndərdiyi aşkar edilib.
Qız və onun ortağı olan oğlan polis tərəfindən həyata keçirilən əməliyyat nəticəsində həbs edilib. Qızın ortağı olaraq adı keçən Milad Ataünün 2014-cü ilin sentyabrında Avstraliyanın ən böyük terror əməliyyatında tutulduğu barədə məlumatlar da var.
Short URL: http://www.cumhuriyyet.net/?p=58514
