Prezidentin 43 milyonluq mənzili – Fotolar

ABŞ prezidenti Barak Obama vəzifəsini başa vurduqdan sonra yaşamaq üçün Vaşinqtonda ev tapıb.

ANS-in məlumatına görə, prezident 43 milyon dollarlıq bir villanı kirayəyə götürüb. Bu villanın 9 yataq otağı və 8 vanna otağının olduğu deyilir.

Bu ilin noyabr ayında ABŞ-da keçiriləcək seçkilərdən sonra Barak Obama prezidentlik postunu tərk edəcək. Obamanın yaşayacağı yeni mənzili Bil Klintonun mətbuat katibi Coi Lokartdan aldığı bildirilir. 1928-ci ildə inşa edilən villanın ən üst mərtəbəsində Obamının iş otağı yerləşəcək.

Daha əvvəl Barak Obama öz bəyanatında bildirib ki, hakimiyyətini başa vurduqdan sonra bir neçə il Vaşinqtonda yaşayacaq.

“Biz Saşa (prezidentin kiçik qızı – red.) məktəbi bitirənədək hələ bir neçə il paytaxtda yaşamağı fikirləşirik. Təhsil ilinin ortasında köçmək – dərslərdə çətinlik yarada bilər”, – deyə Obama bildirib.

Artıq ikinci müddətdir ki, ABŞ prezidenti olan Barak Obama 2 qız atasıdır. 1992-ci ildə Mişel Obama ilə ailə həyatı quran siyasətçi Maliya Obama (1998) və Saşa Obama (2001) adlı iki qız övladı var. Hər iki prezident qızı Vaşinqtondakı “Sidwell Friends School” məktəbində oxuyurlar.

 

Short URL: http://www.cumhuriyyet.net/?p=65219