İbrahim Tatlısəs: ”Albom çıxara bilməsəm, bığlarımı kəsərəm!”

Türkiyənin məşhur müğənnisi İbrahim Tatlısəs “bir daha oxuya bilməyəcək” şayiələrinə çox iddialı bir cavab verib: “Əgər albom çıxara bilməsəm, bığlarımı kəsərəm!”

Musavat.com Türkiyə mətbuatına istinadən bildirir ki, məşhur müğənni onu iflic hesab edənlərə də cavab verib:

“Bu gün hava limanında biri gəlib qoluma girdi. “Səni iflic bilirdim” dedi. Mən, iflic deyiləm. Qaçıram, uşaqlarımla zarafatlaşıram. Məni görüncə qoluma girməyin. Bu yaxınlarda bomba kimi gəlirəm”.

Xatırladaq ki, Türkiyənin musiqi aləminin imperatoru hesab edilən İbrahim Tatlısəs 2011-ci il martın 14-də, gecə saat 00:14-də Bəyaz TV-nin yerləşdiyi binanın həyətində silahlı hücuma məruz qalmışdı. Möcüzəvi bir şəkildə həyatda qalan müğənni dəfələrlə ABŞ-da və Almaniyada cərrahi əməliyyat keçirib. Bu günlərdə isə müğənninin səsinin batdığı və bir daha oxuya bilməyəcəyi haqda şayiələr yayılmışdı.

Short URL: http://www.cumhuriyyet.net/?p=66726