Rusiya Ermənistan üçün 200 zabit hazırlayır
Ermənistanın 200-dən çox hərbçisi Rusiyanın ali hərbi məktəblərində təhsil alacaq.
Musavat.com erməni saytlarına istinadən bildirir ki, bu barədə Rusiya müdafiə naziri Sergey Şoyqu öz erməni həmkarı Seyran Ohanyanla görüşündə bildirib.
“Əməkdaşlığımızın tempi və sıxlığı bizi məmnun edir. Biz bütün istiqamətlərdə əməkdaşlıq edirik, burada təhsilə xüsusi yer ayrılıb. Ermənistan ordusunun zabitləri artıq bizim hərbi təhsil müəssisələrində oxuyurlar”, – deyə Sergey Şoyqu bildirib.
Sergey Şoyqu 2016-cı ildə Rusiya ali hərbi məktəblərində oxumaq istəyən 200-dən çox erməni hərbçisinin ərizəsinin olduğunu və Moskvanın bunu dəstəkləyəcəyini bildirib.
Bundan başqa, bu gün Rusiya müdafiə nazirinin müavini Anatoli Antonovla Ermənistan müdafiə nazirinin müavini David Tonoyan görüşüblər.
Short URL: http://www.cumhuriyyet.net/?p=67192
