Türkiyədə PKK terror törətdi – 2 mülki şəxs həlak oldu
Türkiyənin Mardin vilayətinin Ömərli rayonunda PKK-lı terrorçular rayon jandarma komandanlığının qərargahına bomba yüklü maşınla terror aktını həyata keçiriblər.
Musavat.com-un Türkiyə mediasına istinadən verdiyi xəbərə görə terrorçular Ömərli jandarmeriya komandanlığının yerləşdiyi qərərgaha gətirdikləri bomba yüklü maşından atılıb qaçdıqdan sonra, uzaqdan idarə ilə onu partladıblar.
Şiddətli partlayışda yoldan keçən yük maşınının şoferi ilə bir vətəndaş, habelə qərargah qarşısında növbə çəkən iki əsgər yaralanıblar.
Yaralı sürücünü və mülki vətəndaşı Ömərli dövlət xəstəxanasına çatdırmaq mümkün olsa da onların həyatlarını xilas etmək mümkün olmayıb.
Terror səbəbi ilə Mardində Ömərli-Midyat yolu tamailə bağlanıb.
Hazırda terrorçuların yaxalanması üçün əməliyyat başlandığı bildirilir.
Short URL: http://www.cumhuriyyet.net/?p=67959
