“Britaniyanın Avropa İttifaqından çıxması Putinin qələbəsidir” – Keçmiş səfir
Ölkə.Az Rusiya KİV-lərinə istinadən xəbər verir ki, ABŞ-ın Rusiyadakı keçmiş səfiri Maykl Makfol Böyük Britaniyanın Avropa İttifaqından çıxmasına dair referendumun nəticələrini RF prezidenti Vladimir Putinin böyük qələbəsi adlandırıb.
“Bu gün bu hadisə Vladimir Putinin xarici siyasətinin böyük qələbəsidir. Bunu layiqincə qiymətləndirmək lazımdır”,- deyə diplomat öz Twitter səhifəsində yazıb.
Bir qədər öncə Vladimir Putin Sankt-Peterburqda keçirilən İqtisadi Forumda bildirmişdi ki, Avropa İttifaqında qalıb-qalmamaq məsələsi Britaniyanın öz işidir”.
“Mən onlara nəyin yaxşı olub-olmamasını diktə edə bilmərəm. Rusiyanın dünyada baş verən bütün problemlərdə əli olduğunu düşünmək düzgün deyil”,- deyə Rusiya prezidenti qeyd etmişdi. Uzaqgörən siyasətçi əslində Britaniyanın Aİ üzvlüyündən çıxacağı təqdirdə nə ilə ittiham olunacağını öncədən sezmiş olmaldır ki, belə bir fikir səsləndirib.
Short URL: http://www.cumhuriyyet.net/?p=67991
