Fransa polisi müsəlman qadını çimərlik geyimini soyunmağa məcbur etdi
Fransanın qanun keşikçiləri Nitsa çimərliyində müsəlman çimərlik geyimində – islami qaydalara uyğun burkinidə olan qadına yaxınlaşaraq, ondan əynindəkini çıxarmağa məcbur ediblər.
Bəzi məlumatlara görə, ictimai qanun-qaydanı pozduğuna görə qadını 38 avro məbləğində cərimə ediblər.
Qeyd edək ki, bütün bədəni örtən çimərlik paltarı olan burkini geyinməyə qadağa 86 insanın ölümü ilə nəticələnən terror aktından sonra qoyulmuşdu.
Bu geyimə ilk qadağa qərarını Kann şəhəri tətbiq edib. Qərar avqustun 13-də məhkəmə tərəfindən təsdiq edilib.
Xatırladaq ki, iyulun 14-də Fransanın milli bayramı – Bastiliyanın alınması günü minlərlə turist və yerli sakinlərin atəşfəşanlığı izləmək üçün toplaşdığı Nitsa şəhərinin “İngilis çimərliyi” adlı hissəsində terror aktı baş verib. Yaxınlıqda dayanan yük maşını kütlənin üstünə sürülüb, sonra naməlum şəxslər avtomobildən enərək insanlara atəş açıblar. Ölənlərin sayı 86 nəfərə çatıb. Hadisəyə görə İŞİD terror qruplaşması məsuliyyəti öz üzərinə götürüb.
Short URL: http://www.cumhuriyyet.net/?p=73968
