Ankaranı bombalayan pilotlar Gülənlə görüşüb
13.09.2016 - 10:35
Akıncı bazasında xidmət edən 3 pilot 15 iyul dövlət çevrilişindən xeyli əvvəl FETÖ lideri Fətullah Gülənlə görüşübmüş. Axar.az xəbər verir ki, bu ilin martında Pensilvaniya ştatında baş tutan görüşdə Gülən pilotlardan F-16 uçuş kursunu bitirib-bitirmədiklərini soruşub. Pilotlar isə kursun davam etdiyini deyiblər.
Görüşdən sonra pilotlar uçuş kursunu qısa müddətdə bitirib, 15 iyulda bazada uçuş keçiriblər. Sözügedən pilotlar 2014-cü ildə hərbi akademiyanı bitiriblər.
Qeyd edək ki, onlar F-16 qırıcıları ilə paytaxt Ankarada Prezident sarayı və Milli Məclisi bombardman etmişdi.
Short URL: http://www.cumhuriyyet.net/?p=75758
