Ərdoğandan ABŞ-a: “Bizdən inciməyin…”
19.11.2016 - 10:17
Hərbi çevrilişə cəhdə görə ABŞ-ı ittiham etməyəcəyəm, ancaq xalqımız həmişə onları günahkar biləcək.
Bu sözləri Türkiyə Prezidenti Rəcəb Tayyib Ərdoğan ABŞ-ın CBS kanalına deyib.
“Axı niyə bu adamı – Fətullah Güləni ölkənizdə qoruyursunuz? Bizdən inciməyin, nə qədər ki, onu müdafiə edirsiniz, türk millətinin, xalqının sizə baxışı dəyişməyəcək. Təəssüf ki, bəzi ABŞ siyasətçiləri bizi xəyal qırıqlığına uğratdı”, – Ərdoğan bildirib.
Barak Obamanın Suriyadakı böhrana müdaxilə tərzini də tənqid edən Ərdoğan bu siyasətin Türkiyənin cənubunu təhlükə altına atdığını da sözlərinə əlavə edib.
Short URL: http://www.cumhuriyyet.net/?p=82330
