Türkiyənin düşməni vəzifədən gedir

Avropa Parlamentinin (AP) sədri Martin Şults vəzifəsi ilə vidalaşmağa hazırlaşır. 60 yaşlı siyasətçi Almaniyada siyasi karyerasını davam etdirəcək.

Brüsseldə mətbuat konfransı keçirən AP sədri bu vəzifəyə növbəti dəfə namizəd olmayacağını açıqlayıb.

Sosial Demokrat Partiyasının (SPD) üzvü 2017-ci ilin sonunda Almaniyada keçiriləcək parlament seçkilərinə qatılacağını deyib.

Qeyd edək ki, alman mətbuatı Şultsun parlament seçkilərində Şimali Reyn-Vestfaliya vilayətindən namizəd olacağını bildirib.

Eyni zamanda siyasətçinin adı prezidentliyə namizəd, hazırda Xarici İşlər naziri olan Frank-Valtyer Ştaynmayerin seçkilərdə qalib gələcəyi halda XİN rəhbəri və ya SPD-nin baş nazirliyə namizədliyi mövzusunda hallanır.

Ancaq Şults mətbuat konfransında bu vəzifələr barəsində açıqlama verməyib.

Xatırladaq ki, ŞultsTürkiyəyə qarşı sərt siyasəti ilə tanınır. O, dəfələrlə Ərdoğan hakimiyyətini daxili və xarici siyasət mövzusunda tənqid edib.

Short URL: http://www.cumhuriyyet.net/?p=82889