“Məhv edəcəyik. Hamısını. Son nəfərədək” – Kadırov düşmənlərini hədələdi
Kadırov Rusiyanın düşmənləri ilə necə mübarizə aparması ilə bağlı suala cavab verib.
Avropa.info xəbər verir ki, Kadırov düşmənlərinin ondan qorxmalı olduğunu deyib:
“Əgər söhbət Rusiyanın düşmənlərindən – terrorçular, ekstremistlər və başqalarından düşdüsə, belə düşmənlər məndən qorxmalıdır. Onlar bilməlidir. Mənim mövqeyim prinsipialdır. Cinayət planlaşdıran, qarşısına terror aktları törətmək məqsədi qoyan, günahsız insanları həyatında məhruma edən adamlar düyməni basmadan əvvəl neytrallaşdırılmalıdır”.
Kadırovun sözlərinə görə, Rusiya həmin şəxsləri saxlamalı, məsuliyyətə cəlb etməli, silahlı müqavimət halında məhv etməlidir. Onun deməsinə görə, bəşəriyyət başqa mübarizə metodlarını hələ fikirləşməyib.
“Düşmənlərim məndə qorxmalıdırmı? Bəli! Nəinki qorxmalı, dünyanın o biri başına getməlidirlər. Onların nazı ilə oynamaq olmaz. Qəfəsə ya da iki metrlik dərinliyə göndərmək lazımdır. Qoy özləri seçsinlər, hansı variant ürəylərincədir. Çeçenistanda peyda olmağa cəhd etsələr, məhv edəcəyik. Hamısını. Son nəfərədək”.
Kadırov düşmənlərini “Qərbin tütəyi altında oynayan şeytanlar” adınaıdrıb. O, buraya Xodrkovski, Berezovski və s. belə adamları aid edib.
Short URL: http://www.cumhuriyyet.net/?p=83230
