Bir saat içində milyonlarla insanın ölməsinə yol açacaq bir əmri vermə səlahiyyətinə malik yeganə adam Tramp olacaq.
Vaşinqtonda keçiriləcək təhvil-təslim mərasimindən sonra, “nüvə futbol topu” kimi tanınan məşhur çanta Trampa veriləcək.
Avropa.info xəbər verir ki, inaqurasiyadan sonra, bir saat ərzində milyonlarla insanın ölməsinə səbəb ola biləcək əmri vermə səlahiyyətinə malik yeganə adam Tramp olacaq.
ABŞ-ın yeni prezidenti Donald Trampın inaqurasiya mərasiminin keçiriləcəyi Vaşinqtondakı Konqres binasında hazırkı prezident Barak Obamanı adsız, tanınmayan bir əsgər müşayiət edəcək. Bu əsgərdə “nüvə futbol topu”-“nuclear football” adlandırılan olan bir çiyin çantası olacaq. Bu çantanın içində “biskuvi” kimi tanınan, 3 düym (7,3 santimetr) ilə 5 düym (13 santimetr) ölçülərində bir rəqəmsal dijital olacaq.
Bu çanta strateji nüvə hücumu üçün kodları daşıyır. Prezident üçün bu kodların necə aktiv edəcəyi kənarda öyrədiləcək. Ancaq Trampın inaqurasiya mərasimi zamanı bu əsgər və çanta yavaşca onun tərəfinə doğru addımlayacaq .Bu mərhələdən sonra, bir saat içində milyonlarla insanın ölməsinə yol açacaq bir əmri vermə səlahiyyətinə malik yeganə adam Tramp olacaq.
Əmri vermə səlahiyyəti olan şəxslər arasında yeni müdafiə nazirinin də adı var. Ancaq Beynəlxalq Strateji Tədqiqatlar İnstitutunun tərksilah proqramının direktoru Mark Fitzpatrick, nevə hücumunu həyata keçirmək üçün yeganə nümayəndənin prezident olduğunu deyir.
BBC-də yer alan xəbərə görə isə, prezidentin belə tarixi bir qərarı tək başına verə biləcəyini düşünmək həqiqətdən uzaqdır. Prezident əmri verir və müdafiə naziri də konstitusiyaya görə bunu tətbiq etmək zorundadır. Nəzəri baxımdan müdafiə naziri prezidentin ağılına şübhə edib, əmri yerinə yetirməyi rədd edə bilər, ancaq bu da üsyankarlıq mənasına gəlir. Prezident onu qova və vəzifəyə müdafiə nazirinin müavinini gətirə bilər.
Prezident kimliyini plastik bir kartla ali baş komandan kimi təsdiqləyəndən sonra, hər zaman yanında olan “nüvə futbol topu”nu açır. Çantanın içində hücum variantlarını nümayiş etdirən bir qara kitab var.
Prezident menyudan bir hücum variantına qərar verdikdən sonra, əmr müştərək qərargah başçılarının vasitəsilə Pentaqonun müharibə otağına çatdırılır, sonra möhürlü təsdiq etmə kodları Nebraskadakı Offutt Hava Bazasındakı ABŞ Strateji Pult Mərkəzinə gedir.
ABŞ və Rusiya bir-birilərinin şəhərlərini bir neçə dəfə məhv edəcək qədər nüvə silahına sahibdirlər. Yalnız Moskvanı hədəfləyən 100 amerikan döyüş başlığının olduğu deyilir. İki ölkənin gücü bütün dünyadakı nüvə döyüş başlıqlarının 90 faizidir.
Rusiya və ABŞ arasında nüvə raketlərinin uçuş müddəti 25-30 dəqiqə həcmindədir. Sualtı gəmilərdəki raketlər üçün isə müddət 12 dəqiqədir.
Short URL: http://www.cumhuriyyet.net/?p=85895