“Kəmaləddin Heydərov evimi təmir etdirəcəyinə söz vermişdi…” – 3 övladı ilə çadırda yaşayan ata (VİDEO)

19.01.2018 - 16:04
Xəbər verdiyimiz kimi, 28 mart 2017-ci il saat 17:30 radələrində Şabranın Xırdaoymaq kənd sakini Azad Alışova məxsus 2 mərtəbəli, 8 otaqlı ev yanıb. Yanğın nəticəsində ümumi sahəsi 176 kv m olan yaşayış evi əşya və avadanlıqları ilə birgə tam yanıb, yalnız divarı qalıb.
Azad Alışov Unikal.org-a bildirib ki, evləri yandıqdan sonra həyat yoldaşım, övladlarım – 7 yaşlı Mələk, 6 yaşlı Fuad, 5 yaşlı Nihad ilə birgə Fövqəladə Hallar Nazirliyinin quraşdırdığı müvəqqəti çadır sığınacağında qalırıq:
“Sosial durumumuz çox pis vəziyətdədir. Bu soyuqda çadırda yaşayırıq. Heç kim bizə kömək etmir. İmkansızlıqdan iki övladım məktəbə gedə bilmir. Pal-paltarları yoxdurki təhsil almağa göndərim. Soyuq havada çadırda yaşamağa məcbur qalmışıq. Ölümlə üz-üzəyik. Çadırda uşaqlarımın ciyərləri soyuqlayıb. Ağrıdan yata bilmirlər. Az qalıb ki, vərəm olsunlar. İmkansızlıqdan həkimə də apara bilmirəm. Belə getsə, evim kimi övladlarımı da itirəcəm. Bu gedişata dözə bilmirəm. Yalvarıram bizə kömək edin. Ölkə başçısı İlham Əliyev, 1-ci vitse-prezident hörmətli Mehriban xanım Əliyevadan yardım istəyirik. Müvafiq qurumlara məsələ ilə bağlı müraciət etsəm də, təəssüf ki, heç kim bizimlə maraqlanmır”.

Azad Alışov yanan evinin təmir olunması üçün Kəmaləddin Heydərovun qəbulunda olduğunu da deyib: “Nazir mənə söz vermişdi ki, evim təmir olunacaq və bunun üçün bütün köməklik göstəriləcək. Amma bu günədək heç bir köməklik olunmayıb. Ümüdümü yenədə üzməmişəm”.

Short URL: http://www.cumhuriyyet.net/?p=110438

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2025
BE ÇA Ç CA C Ş B
 12
3456789
10111213141516
17181920212223
24252627282930
31