Balasanyanın hədəsi: yazda müharibə olacaq? – deputat Aydın Mirzəzadə canlı yayında
Dağlıq Qarabağda qalan ermənilər hər gün bir qanunsuzluqla qıcıq yaratmağa çalışırlar. Qondarma rejimin terrorçubaşı Araik Aryutunyan Xankəndində erməni hərbçilərə medal paylayır, məktəblərin birində rus bayrağı ilə “dqr” əskisi yanaşı qoyulur, Xocavənd istiqamətində təxribata yol verilir, Rusiya sülhməramlıları özlərini ermənilərin “qoruyucu mələyi” kimi aparır və bu proseslər Azərbaycan ictimai rəyində heç də yaxşı qarşılanmır.
Elə onun nəticəsidir ki, Prezidentin fərmanı ilə yaradılan Sosial Tədqiqatlar Mərkəzinin keçirdiyi sorğuda əhalinin 99 faizi rus sülhməramlıların Dağlıq Qarabağda sülhü təmin edəcəyinə inanmır, yəni cəmi 1 faiz inanır.
Rəsmi İrəvan isə “artsax” quldurlarının davranışlarının, meşələrdəki diversantların təxribatlarının məsuliyyətini üzərindən atır.
Paralel olaraq isə Ağdamda orta qurulacaq Türkiyə-Rusiya Monitorinq Mərkəzinin tikintisi gedir, Soçidə XİN başçıları Qarabağı müzakirə edir, politoloq Maksim Şevçenko isə yaz aylarında növbəti əməliyyatlar ola biləcəyi, növbəti müharibə ehtimalını irəli sürür. Qondarma qurumun “təhlükəsizlik şurasının katibi” Vitali Balasanyan da deyir ki, Hadrut, Əsgəran və Azərbaycan Silahlı Qüvvələrinin nəzarəti altına keçmiş başqa ərazilər zamanla geri qaytarılacaq.
Qarabağ orbiti ətrafında dövr edən bu prosesləri TV Musavat-ın canlı yayınında, saat 16:00-da “Həftə içi” proqramının aparıcısı Emil Salamoğlu deputat Aydın Mirzəzadə ilə müzakirə edəcək. Müzakirədə tamaşaçılarımız da iştirak edə bilər.
Short URL: http://www.cumhuriyyet.net/?p=159230