Koronavirusa qalib gələn, oksigen anbarı sayılan “Buzlar ölkəsi” haqqında MARAQLI FAKTLAR

Burada qoyun başı və köpək balığı yeyilir …

Ciddi karantin qaydaları yaradan İslandiyada COVİD-19-a ümumi yoluxma sayı hələ 6 mini keçməyib. Ölkədə koronavirusun səbəb olduğu ümumi ölüm sayı isə cəmi 29 nəfərdir.

İslandiya (“buzlar ölkəsi”) Atlantik okeanının şimal hissəsində yerləşən ada dövlətidir. İslandiya adasından və ətrafındakı bir neçə kiçik adalardan ibarətdir, ərazisi 123 min kv. km-dir. İslandiyanın paytaxtı Reykyavik şəhəridir. 120.000 min nəfər əhalisi olan şəhər İslandiyanın ən böyük şəhəri hesab olunur.

Koronavirusa qarşı demək olar ki, zəfər əldə edən bu ölkə haqqında maraqlı məlumatları təqdim edirik.

İslandiyada bildiyimiz kimi soyad qanunu yoxdur. Kişilərdə ata adına “son”, qadınlarda “dottir” əlavə edərək, soyad yaradırlar. Həddindən artıq soyuq bölgələr kimi İslandiyada da tundra iqlimi var, buna görə də bitki örtüyü yalnız inkişafdan qalmış otlardan ibarətdir. Ancaq zamanla aparılan işləri ilə, xüsusilə ölkənin ikinci böyük şəhəri olan Akureyridə uzun bir yol qət edildiyi görünür.

Ölkənin koronavirusa qalib gəlməsi bəlkə də uzun müddət dünyanın qalan hissəsindən tamamilə təcrid olunmalarının təsiridir. Bununla birlikdə ana dilləri olan İsland dili onlar üçün son dərəcə vacibdir. O qədər ki, məşhur markaların adını belə dəyişdirirlər. Dillərinə yad bir söz salmaq istəmirlər. Misal üçün, dünyanın məşhur markası olan “Apple” şirkətinin istehsal etdiyi “iPad”ə “spjaldtovla” deyirlər.

Şimalda olmağın təsiri ilə ənənəvi yeməkləri arasında qoyun başı və ya köpəkbalığı kimi bir qədər ürküdücü yeməklər də var.

İslandların mətbəxi bizim üçün çox qəliz görünsə də, əslində onlar üçün çox bəsitdir. Mətbəx əsasən qurudulmuş və təzə balıq ətindən hazırlanan məhsullardan, həmçinin süddən ibarətdir. Balıqdan hazırlanan yeməklər islandların ənənəvi milli yeməyi hesab edilir.

Əkinçilik baxımından zəif torpaqların olmasına görə, mətbəxlərində ət yeməkləri daha çoxdur.

Doyumlu bir qəlyanaltı sayılan sosiskalı sandviç İslandiyada həddindən artıq çox yeyilir. Burada günün istənilən saatında sosikalı sandviç yeyən bir insan görə bilərsiniz.

Ölkə elə “parlaq” bir ölkədir ki, yaydan və qışdan, gündüzdən və gecədən asılı olmayaraq, bütün il boyu avtomobilin işıqları yanılı olur. Bundan əlavə, ölkə sərhədləri daxilində magistral yol yoxdur və yolların əhəmiyyətli bir hissəsi hələ də torpaq ərazi olduğu üçün daha çox mühərriki iri həcmli avtomobillər istifadə olunur.

Burada yol kənarındakı bir dəzgahda satıcısı olmayan yeşiklərlə dolu meyvə, tərəvəz və.s görmək mümkündür. Bu, İslandiya üçün təəccüblü deyil. Sadəcə istədiyin şeyi götürüb, piştaxtada yazılan haqqı qoyub, getməlisən. İslandiyada otel, restoran və evdən asılı olmayaraq, bütün məkanlarda su içə bilərsiniz. Ölkənin suyu dünyanın ən təmiz suları sırasındadır.

Əlverişsiz iqlim qurşağında yerləşməsinə baxmayaraq, İslandiya turistlərin sevimli yerlərindəndir. Turistləri cəlb edən İslandiyanın oksigen “anbarı” olmasıdır. Reykyavikdəki İncəsənət muzeyi turistlərin diqqətini daim özünə cəlb edir. Bu muzeyi hər il 200 mindən çox turist ziyarət edir. Muzeydə incəsənətin bütün növlərini özündə əks etdirən sənət inciləri nümayiş etdirilir.

Short URL: http://www.cumhuriyyet.net/?p=160393