Zelenski rus ordusunun itkilərini açıqladı
“Rusiya Ukraynada görünməmiş itkilər verir”.
Musavat.com xəbər verir ki, bunu Ukrayna prezidenti Volodimir Zelenski bildirib.
O deyib ki, müharibənin 16 günü ərzində Ukrayna ordusunun zərbələri nəticəsində Rusiya ordusuna məxsus 31 batalyon-taktiki qrupu döyüş qabiliyyətini itirib. Bundan əlavə, 360-dan çox tank, 1205 zirehli texnika, 60-a yaxın təyyarə və 80 helikopter məhv edilib.
“Silahlı Qüvvələrimiz düşməni Ukraynaya qarşı müharibəni davam etdirmək istəyindən məhrum etmək üçün hər şeyi edir. Rus qoşunlarının itkiləri böyükdür. Artıq 17-ci gündə işğalçıların itkilərinin dinamikası elədir ki, əminliklə deyə bilərik: bu, son onilliklərdə Rusiya ordusuna vurulan ən böyük zərbədir. Onlar bu qədər gün ərzində heç yerdə uduzmayıblar”, – deyə prezident videomüraciətində bildirib.
Ukrayna tərəf rus ordusunun canlı qüvvə itkilərinin sayının 12 mini keçdiyini də elan edib.
Short URL: http://www.cumhuriyyet.net/?p=171692
