Ailəsi Fazil Mustafanı belə qarşıladı – Video
Xəbər verdiyimiz kimi, bir neçə gün əvvəl yaşadığı evin qarşısında silahlı hücuma məruz qalan deputat Fazil Mustafa xəstəxanadan evə buraxılıb.
Cumhuriyyet.az xəbər verir ki, deputatın müavini Əjdər Əliyev onun evindən fotolar paylaşıb.
“Mart ayının 28-də terror hücumuna məruz qalaraq ağır yaralanan BQP başqanı, millət vəkili Fazil Mustafa həkimlərin səyi ilə xəstəxanadakı müalicə dövrünü uğurla başa çatdıraraq, bu gün doğma evinə evinə döndü”, – deyə o qeyd edib.
Qeyd edək ki, martın 28-də F.Mustafaya qarşı yaşadığı evin qarşısında “Kalaşnikov” avtomat silahından atəş açılaraq terror aktı törədilib. F.Mustafa bədənin sağ çiyin qurşağını və sağ budun aşağı üçdə birini dəlib keçən güllə yarası alıb. Ona zəruri tibbi xidmətlər göstərilib.
Faktla bağlı Dövlət Təhlükəsizliyi Xidmətinin İstintaq baş idarəsində Cinayət Məcəlləsinin 277-ci (dövlət xadiminin və ya ictimai xadimin xidməti və ya siyasi fəaliyyətinə son qoymaq və ya bu fəaliyyətə görə qisas almaq məqsədilə onun həyatına sui-qəsd etmə) və 228.2.1-ci (qabaqcadan əlbir olan bir qrup şəxs tərəfindən qanunsuz olaraq odlu silah, onun komplekt hissələrini, döyüş sursatı əldə etmə, saxlama, daşıma və gəzdirmə) maddələri ilə cinayət işi başlanılıb.
Hadisədən bir neçə gün sonra keçirilən xüsusi əməliyyat nəticəsində terror aktını törətməkdə şübhəli bilinən şəxslər müəyyən edilərək saxlanılıb.
Short URL: http://www.cumhuriyyet.net/?p=190759
