Fars-molla rejimi “Yaşasın Azərbaycan” şüarına dözmədi: polis hərəkətə keçdi
İranda Məlikkəndi şəhərində azərbaycanlıların “Təbiət günü” mərasimi yarımçıq qalıb. 2 apreldə İranda “Təbiət günü” kimi tanınan gündə, bayramın son günü olaraq insanlar təbiət qoynuna çıxaraq əylənirlər. Bu mərasim 6 ildir Məlikkəndidə Azərbaycan musiqiləri və rəqsləri ilə daha da zənginləşib. Ailələr təbiət qoynuna gedib, Azərbaycan musiqilərinin sədaları altında rəqs edirlər.
Lakin bu dəfə “Təbiət günü” ərəfəsində İranın təhlükəsizlik qüvvələri bir neçə gün öncədən azərbaycanlı gənclərə tədbirə getməməyi tapşırıblar. Hədələrə baxmayaraq gənc ailələr mərasimi keçiriblər. Polis qüvvələri isə mərasimin keçirildiyi yerə hücum edərək mərasimi dağıtmağa çalışıb. Bu hücuma səssiz qalmayan mərasim iştirakçıları isə “Azərbaycan bir olsun, istəməyən kor olsun” və “Yaşasın Azərbaycan” kimi şüarlar səsləndiriblər. Şüar səsləndirənlər polis təzyiqinə məruz qalıb. 5 nəfər həbs edilib. (bizimyol.info)
Short URL: http://www.cumhuriyyet.net/?p=21318