Mingəçevirdə gərginlik – Polis aksiya iştirakçılarının həbsinə başladı
Xəbər verdiyimiz kimi, avqustun 20-də Mingəçevir şəhər Polis Şöbəsində ölüm hadisəsi olub. İlkin məlumatda deyilirdi ki, Mingəçevir şəhər sakini, 1988-ci il təvəllüdlü Hacıyev Bəhruz Dilsuz oğlu dindirilmək üçün Mingəçevir Şəhər Polis Şöbəsinə çağırılan zaman polis şöbəsi binasının 3-cü mərtəbəsindən özünü aşağı ataraq intihar edib.
Mərhumun yaxınları isə Bəhruz Hacıyevin döyülərək öldürüldüyüni iddia edərək, polis idarəsinin qarşısına yürüş ediblər. Verilən məlumata görə, yürüş zamanı onlar «Qardaşımızın qanı yerdə qalmayacaq», «Qanını yerdə qoymayacağıq» kimi şüarlar səsləndiriblər.
Aksiyanın qarşısını almaq üçün əraziyə polis qüvvələri yeridilib və yürüşün qarşısı alınıb.
Mingəçevirdən Strateq.az-a verilən məlumata görə, aksiya zamanı fəallıq edən bir neçə şəxs polis tərəfindən saxlanılıb. Eyni zamanda, əhalinin aksiyaya dəstək verə biləcəyindən narahat olan yerli hakimiyyət şəhərə əlavə qüvvələr gətirtdirib.
Short URL: http://www.cumhuriyyet.net/?p=30086
