İsrafil İsrafilov məsuliyyəti nazirliyin üzərinə atdı — “Vida mərasiminin keçirilməsini mən həll etmirəm”

Akademik Milli Dram Teatrının direktoru İsrafil İsrafilov dünən qəflətən dünyasını dəyişmiş xalq artisti İlham Əsgərovla 33 il işlədiyi teatrda vida mərasiminin keçirilməməməsinə münasibət bildirib

Direktor Ölkə.Az-a açıqlamasında deyib ki, bu onun səlahiyyətində olan məsələ deyil:

“Hazırda yas yerindəyəm. Teatrdan vida mərasiminin keçirilməsini mən həll etmirəm. Bu, nazirlik səviyyəsində olan bir şeydir. Yəqin indi belədir də. Hazırda təşkilatı işlərlə məşğulam, başım qarışıqdır”.
Xatırladaq ki, İlham Əsgərov 3 sentyabr 1958-ci ildə anadan olub. 1982-ci ildən Akademik Milli Dram Teatrında işləyib. İstedadlı aktyor 2000-ci ildə əməkdar artisti, 2006-cı ildə xalq artisti fəxri adı ilə təltif olunmuşdu.

Short URL: http://www.cumhuriyyet.net/?p=31499