SOCAR: Qərargah bu gündən yanğın baş verən özülə köçürüləcək
Axtarış-xilasetmə işləri ilə bağlı yaradılan qərargah bu gündən “Günəşli” yatağında yanğının baş verdiyi 10 saylı stasionar dəniz özülünə köçürüləcək.
Virtualaz.org bildirir ki, bu barədə dekabrın 6-da keçirilən mətbuat konfransında SOCAR-ın “Azneft” İstehsalat Birliyinin baş mühəndisi Balamirzə Ağarəhimov məlumat verib.
“Dənizdəki qərargah 5 saylı platformadan “Neftqaz-62” gəmisinə köçürülüb. Beləliklə, qərargah yanğının baş verdiyi 10 saylı özülə daha da yaxınlaşıb. Hazırda özülün üzərində təmir briqadaları çalışır, onlar su xəttini birləşdirmə prosesini həyata keçirir. Bu sistemin quraşdırılması yanğını söndürməyə imkan verəcək. Günün birinci yarısında qərargah özülün üzərinə köçürülməlidir”.
Onu da qeyd edək ki, SOCAR nümayəndələri növbəti mətbuat konfransını bu gün saat 11.00-da keçirəcək.
Short URL: http://www.cumhuriyyet.net/?p=43289
