Dilqəmin ailəsi yenidən Putinə müraciət edəcək

04.03.2016 - 16:21

dilqemKəlbəcər rayonunda ermənilər tərəfindən girov götürülən azərbaycanlı Dilqəm Əsgərovun ailəsi yenidən Rusiya prezidenti Vladimir Putinə müraciət edəcək.

Bu barədə AzVision.az-a girovun qardaşı Sahib Musayev bildirib. Onun sözlərinə görə, müraciət Rusiyanın Bakıdakı səfirliyinə təqdim olunacaq.

“Hər şeyin açarı Rusiya prezidenti Vladimir Putinin əlindədir. Qardaşım Rusiya vətəndaşı olduğu üçün, Putin onun hüquqlarını müdafiə etmək üçün addım atmalıdır. Putin istəsə, Dilqəmi bir dəqiqəyə azadlığa buraxdırar. Biz bundan öncə də Rusiya rəhbərliyinə müraciət etmişdik. Amma bir faydası olmayıb.

Amma biz ümidimizi üzmürük. Yenidən Putinə müraciət etmək niyyətindəyik. Müraciət üçün Rusiyanın Azərbaycandakı səfirliyinə gedəcəyəm”,-deyə S.Musayev vurğulayıb.

Girovun qardaşı Rusiyanın ölkəmizdəki səfiri Vladimir Daroxinlə görüşmək istədiyini söyləyib: “Səfirlə görüşüb, ona şikayətlərimizi çatdırmaq istəyirik. Amma müraciətimizə baxan yoxdur. Mən şəxsən bir müddət öncə Rusiyanın Azərbaycandakı səfirliyində olmuşam. Qardaşımla telefonla danışmaq üçün müraciət etmişdim. Müraciətimə cavab veriliməyib”.

Xatırladaq ki, ötən ilin iyul ayında Dilqəm Əsgərov və Şahbaz Quliyev Kəlbəcərdə ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüb. Azərbaycan vətəndaşı Həsən Həsənov isə güllələnərək öldürülüb.

Qanunsuz “məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilmə cəzasına məhkum olunub.

Short URL: http://www.cumhuriyyet.net/?p=56673

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728