Çexiyalı erməni boksçu Bakıya gəlməkdən qorxdu
İyunun 16-dan 25-dək Bakıda keçiriləcək boks üzrə Olimpiya təsnifat turnirində iştirak etməli olan daha bir erməni idmançı Azərbaycan paytaxtına gəlməkdən imtina edib.
Virtualaz.org xəbər verir ki. bu dəfə söhbət Çexiya münayəndəsi Erik Aqatelyandan gedir.
“Mən Ermənistanda anadan olmuşam, biz Azərbaycanla müharibə vəziyyətindəyik, mənim ora getməyim ölümümə səbəb ola bilər. Mən qorxuram, – Aqatelyan Çexiya KİV-ə belə deyib. – Olimpiada mənimçün vacibdir, amma həyat daha qiymətlidir. Ermənistan yığması da Bakıya getməkdən imtina edib”.
“Bu biabırçılıqdır, – Çexiya Boks Assosiasiyasının prezidenti Svyatopluk Zaçek hiddətini gizlətmir. – Erik indi yaxşı formadadır, lakin mən onu anlayıram. Almaniya komandasında çıxış edən erməni boksçular da bu cür qərar veriblər”.
Nəticədə, Çexiyanı Bakıda iki boksçu – Zdenek Hladek və Marek Vaneçek təmsil edəcəklər.
Short URL: http://www.cumhuriyyet.net/?p=67087
