Rusiyanın Türkiyədəki səfirinin qətli ilə bağlı yeni görüntülər yayıldı – VİDEO

23.12.2016 - 13:46
Ruslar yeni kadrlar yaydı

“Rossiya” telekanalının Ankaradakı xüsusi müxbiri Rusiyanın Türkiyədəki səfiri Andrey Karlovun qətlindən sonra bir neçə dəqiqə ərzində baş verənlərin əks olunduğu videokadrları əldə edib.
APA TV-nin məlumatıa görə, videoda çaxnaşma, yaralı insanlar və onlara yardım etməyə çalışan şəxslər  əks olunub. Görüntüdə yerə düşən qan damcıları, çevrilmiş masalar, qadın çığırtısı əks olunub. Telekanal görüntünün insanların hadisə baş verən an qalereyadan çıxma məqamını əks etdirən yeganə kadrlar olduğunu qeyd edir.  Arxa fonda qatilin yerdə uzanmış A. Karlova yaxınlaşması, sanki yoxlamaq məqsədi ilə, ona sarı əyilməsi əks olunub.
Hadisə yerində olmuş türkiyəli fotoqraf Uğur Kvas hadisə zamanı üç qadının yaralandığını bildirib: “Güllələrdən biri rikoşet verərək qadının əlinə dəydi, daha bir qadın qolundan, digəri isə ayağından yaralandı. Yer qan içində idi.  Qatil sonra sərgilənən fotoşəkilləri qopararaq, yerə atmağa başladı. Masalardakı kokteylləri, butulkaları da yerə tulladı”, – dyə o qeyd edib.
Telekanalın məlumatına görə, qatil  Mert Altıntaşa təslim olmaq təklif olunub. “Mən ölmək üçün buradayam”, – deyə o cavabında bildirib.
Məlumata görə, polislər qatili əvvəlcə ayağından yaralayıblar. Lakin, o, yaralandıqdan sonra da atəş açmağa davam edib və bir an əlini cibinə salıb. Qumbaranı işə salacağını zənn edən  polislər onu məhv etməli olublar.
Qatil Mert Altıntaşın evindən tapılan məktubda o bu əməli Allah naminə etdiyini qeyd edib.
Xatırladaq ki, dekabrın 19-da Ankaradakı Müasir İncəsənət Mərkəzində keçirilən “Rusiya türklərin gözü ilə” sərgisində çıxışı zamanı Rusiyanın bu ölkədəki səfiri Andrey Karlov qətlə yetirilib.
Hadisəni törədən şəxsin polis əməkdaşı Mert Altıntaş olduğu məlum olub.
O, təhlükəsizlik əməkdaşları tərəfindən zərərsizləşdirilib.

Short URL: http://www.cumhuriyyet.net/?p=85125

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728