Şuşadakı qurultaya kimlər dəvət ediləcək? – AÇIQLAMA

“Qurultaya hazırlıq 2019-cu ildən gedir. Pandemiya səbəbindən 2 dəfə tarix dəyişikliyi oldu. Şuşada keçirilməsi nəzərdə tutulan 13-cü qurultaya hazırda hazırlıqlar gedir. Seksiyalar üzrə məruzələr hazırlanır”.

Bunu açıqlamasında Azərbaycan Yazıçılar Birliyinin (AYB) sözçüsü Xəyal Rza deyib. O bildirib ki, qurultayın dəqiq tarixi ilə bağlı indidən bir söz demək çətindir:

“Qurultay üçün vaxt təxminən oktyabr və ya noyabr ayları düşünülür. Ancaq təbii ki, bunun üçün Şuşada məkan məsələsi də var. Dəqiq tarix müəyyənləşdiriləndə mətbuata bununla bağlı məlumat veriləcək. Xarici qonaqların – tanınmış qələm adamlarının dəvəti də nəzərdə tutulub. İndidən bir söz demək yersiz olar. Qurultaya 200, bəlkə də daha çox adamın dəvət edilməsi nəzərdə tutulub. Xarici qonaqlarla bağlı hələ qərar verməmişik. Ancaq 2014-cü ildə 50-dən çox qonaq gəlmişdi”.