Rusiya hərbçiləri Qarabağda ermənilərə su xətti də çəkir
Qarabağdakı Rusiya sülhməramlı kontingentinin köməyilə Xocavənd rayonunun Çartar qəsəbəsi və ona yaxın kəndlərin erməni sakinləri üçün mərkəzləşdirilmiş su təchizatı sisteminin tikintisi və çəkilişinə başlanılıb.
Bu barədə Rusiya Müdafiə Nazirliyi məlumat yayıb.
“Rusiya sülhməramlı kontingenti Xocavənd rayonunun Çartar qəsəbəsinə su kəmərinin çəkilməsinin təhlükəsizliyini təmin edir. Bütün işləri bir həftə ərzində başa çatdırmaq planlaşdırılır”, – Rusiya sülhməramlı kontingentinin nümayəndəsi Sergey Qapeev bildirib.
Ermənilər Azərbaycan Ordusunun mövqelərinə yaxın ərazidə su hasilatı və təchizatı üçün quyular qazmağa başlayıblar.
“Qəsəbələrdə su olmadığı üçün su boruları çəkirik. Rusiya sülhməramlılarına burada olduqlarına və təhlükəsizliyimizi təmin etdiklərinə görə təşəkkür edirik. Vəziyyət elədir ki, bu işi bir həftəyə başa çatdıracağıq”, – deyə Çafrtarın su təchizatı üzrə mütəxəssisi Ararat Gevorgyan bildirib.
Short URL: http://www.cumhuriyyet.net/?p=169790
