İki neftçinin ölümü ilə bağlı vəzifəli şəxs məsuliyyətə cəlb edilib
02.11.2023 - 10:18
İki neftçinin ölümü ilə nəticələnən hadisə ilə bağlı “Azneft”in vəzifəli şəxsi məsuliyyətə cəlb edilib.
APA xəbər verir ki, bu il avqust 24-də “Azneft” İstehsalat Birliyinin (İB) N.Nərimanov adına Neft və Qazçıxarma İdarəsinin (NQÇİ) birinci mədən ərazisində neft yığım məntəqəsində qəzalı sahədə planlı təmir işləri apararkən “Neftqaztikinti” trestinin əməkdaşları 1960-cı il təvəllüdlü, quraşdırıcı vəzifəsində çalışan Ağaməmmədov Şirvan Ataş oğlu və 1984-cü il təvəllüdlü, qaynaqçı vəzifəsində çalışan Nərimanov Şamo Mətləb oğlu beton piltələrin çökməsi nəticəsində dənizə düşüblər.
Aparılan axtarış-xilasetmə işləri nəticəsində hər iki şəxsin nəşi dənizdən çıxarılıb.
Short URL: http://www.cumhuriyyet.net/?p=196736
